O‘zbekiston Respublikasi Prezidentining “Teatrlarning jamiyat madaniy hayotidagi ahamiyatini oshirish va ular faoliyatini yanada qo‘llab-quvvatlash chora-tadbirlari to‘g‘risida” 2024-yil 22-noyabrdagi PQ-399-sonli qarorining 5-bandida belgilangan vazifalarning ijrosini ta’minlash, mamlakatimizda milliy akademik musiqa san’atini rivojlantirish va ommalashtirish hamda rag‘batlantirish, ular tomondan milliy ruhda yaratilayotgan yangi asarlarni keng targ‘ib qilish maqsadida joriy yilning 12-noyabr kuni O‘zbekiston kompozitorlari va bastakorlari uyushmasida Milliy kompozitorlar tanlovi bo‘lib o‘tdi.

Tanlov O‘zbekiston Respublikasi Madaniyat vazirligi, Iqtidorli yoshlarni qo’llab-quvvatlash markazi hamda O‘zbekiston kompozitorlari va bastakorlari uyushmasi hamkorligida tashkil etilgan bo‘lib, unda turli shakl va janrlardagi 20 dan ortiq asarlar sohaning yetuk mutaxassislari tomonidan saralandi.